ია იაკობაშვილის პროექტის პორტფოლიო
პროექტის სანახავად გადადით ლინკზე

ტრენინგის მეცხრე დღე განვიხილეთ მერვე მოდული , შევაფასეთ ერთმანეთის მიერ შექმნილი საბოლოო პროდუქტები .
 პროექტზე მუშაობა ძალიან საინტერესო და მრავლის მომცემია როგორც მასწავლებლისთვის ასევე მოსწავლეებისთვისაც , მათ მრავალმხრივ განვითარებასა და მაღალი სააზროვნო უნარების განვითარებას უწყობს ხელს. მთავარია ზუსტად გაითვალისწინო სტანდარტი , საგანთა შორის კავშირი. ყოველი დეტალი მაქსიმალურად გათვალო. რას ვაკეთებ , როგორ  ვაკეთებ და რა პროდუქტი იქნება საბოლოოდ... ესაა  მნიშვნელოვანი .
    ძალიან კმაყოფილი ვარ ტრენინგითა და ტრენერით . საკმაოდ რთული და შრომატევადი საქმე გასაგებ ენაზე იყო გადმოცემული . გმადლობთ ქალბატონო დიანა!

ტრენინგის მერვე დღეს ვისაუბრეთ ფასილიტაციაზე,თუ რა როლი აქვს მასწავლებელს ფასილიტაციისას. გავეცანით ერთმანეთის მომზადებულ ფაილებს , გავაკეთეთ უკუკავშირი. განვიხილეთ პროექტის გეგმები.

ტრენინგის მეშვიდე დღე
გავეცანით ერთმანეთის მოსწავლის სავარაუდო ნაშრომებს , გავაკეთეთ უკუკავშირი., გავეცანით მოდულ ხუთს .შევქმენით ჩვენი თემისთვის შეფასების რუბრიკები და ჩეკლისტები .
 გვეცანით სსსმ მასალებს , პროექტში მოსწავლის ჩართულობის შესახებ .ასევე გარდნერის მრავალმხრივი ინტელექტის პრეზენტაციას.

ტრენინგის მეექვსე დღე ძალიან საინტერესო იყო. გავეცანით ერთმანეთის პროექტის პრეზენტაციებს , გავაკეთეთ უკუკავშირი და ავტვირთეთ მასალები . დღემ ძალიან საინტერესოდ ჩაიარა .

    ტრენინგის მეხუთე დღეს განვიხილეთ power point პრეზენტაციებზე უკუკავშირის გაკეთების ფორმები , რა უნდა გავითვალისწინოთ უკუკავშირის მიცემისას, რომ არ იყოს ჩვენი კომენტარი უდროო ან ზოგადი.
     ვისწავლეთ გუგლ დრაივში მუშაობა , ფაილის ჩამოტვირთვა, გაზიარება , შექმნა . მომეწონა ეს პროგრამა . ძალიან პრაქტიკულია.
     ვისწავლეთ კომენტარების გაკეთება ვორდში, მისი წაშლა.
     ვისაუბრეთ საავტორო უფლებების დარღვევა-დაცვაზე. ამ თემის შესახებ მოსწავლეთა ინფორმირებულობაზე .ძალიან საინტერესო დღე იყო. 

    ტრენინგის მე-4 დღეს გავეცანით ერთმანეთის დამზადებულ ბუკლეტებს , შევაფასეთ ერთმანეთის ნამუშევრები სიტყვიერად. კიდევ ერთხელ გავიარეთ პროექტის კითხვების მნიშვნელობა . გავეცანით შეფასებებს წინარე ცოდნის,თანამშრომლობის უნარის და მონიტორინგის სტრატეგიებს . დღევანდელი ტრენინგი ძალზედ საინტერესო იყო.უკეთ გავერკვიე პროექტის მოთხოვნებში რომ  ნაყოფიერი გამოვიდეს.

   ტრენინგის მე-3 დღეს ვიმუშავეთ ბუკლეტის დამზადებაზე, ვისწავლეთ რა მნიშვნელოვანი სათაურები უნდა დავიტანოთ ბუკლეტზე .განვიხილეთ პროექტისთვის მნიშვნელოვანი კითხვების ტიპები. ესენი იყო : ზოგადი , თემატური და შინაარსობრივი კითხვები .თითოეულის მნიშვნელობა და გამოყენების დროები.
  დავგეგმე ბუკლეტის დამზადება . როგორც მივხვდი , უმჯობესია ბუკლეტზე დატანებული ინფორმაცია იყოს დეტალური და ამომწურავი, რომ არ გაჩნდეს დამატებითი კითხვები.ვიფიქრებ პროექტის თემასა და ბუკლეტის დამზადების სტილზე. იმედია თემას კარგად შევარჩევ.